Jólabryggið 2018

Jólabryggið hjá Føroya Bjór kemur á marknaðin í dag

Um Jólabryggið 2018 sigur Annika Waag, virkis og góðskuleiðari á Føroya Bjór: “Vit hava gjørt nógv burtur úr góðsku og neyvari samanseting av rávørunum, hetta fyri at fáa eitt gott samanspæl og eina góða javnvág ímillum tann søta smakkin frá maltinum og tann beiska frá humluni”.

Jólabryggið hóskar serliga væl afturvið øllum jólamati sum røstum kjøti, gás, fleska- og oksasteik.

Jólabryggið fæst til keyps í sølubúðunum hjá Føroya Bjór, Rúsdrekkasølu Landsins og á skeinkistøðum og matstøðum kring landið.

J-dagur í dag

Føroya Bjór J-dagurin er nakað heilt serligt, og tað fara vit á Føroya Bjór at fagna. Flest øll skeinkistøð í landinum fara at gera nakað burtur úr J-degnum.

Tvøroyri:
17:00 Pubbin
17:00 Grottan
23:00 Tvøroyrar Klubbi

Vágur
17:00 Hotel Bakkin
17:00 Báran
22:00 Hjá Jugga

Sandur:
21:00 Hotel Skálavík
22.00 Kafe Breiðateig

Norðoyggjar:
19.00 Fríða
20.00 Maverick Barr Maverick Barr
19.00 Jacqson
22.00 Roykstovan Klaksvík

Eysturoy:
21.00 Turkihúsiđ – Fuglafjørður
21.00 Bovling Og Matstovan – Leirvík
21.00 McCafé – Runavík

Norðstreymoy:
20:00 Við Sjógv – Kafe og Barr /Farrago – Kollafjørð
22:00 Disvoy – Vestmanna

Vágar
18:00 Café Zorva – Sørvág
19:00 Hotel Vágar – Sørvág
20:30 Smiðjan í Miðvági – Miðvág
23:00 Broadway vestur Miðvági
00:00 Magenta – gamla hotellið í Miðvági – Miðvág

Nólsoy
17:00 Maggies Café – Nólsoy
19:00 Kaffistovan í Nólsoy – Nólsoy

Tórshavn:
17:00 Essabarr Irish Pub Føroyar
18:00 Bowlinghøllin á Hálsi Blábarr
19:00 Café 22 Paname Café
20:00 Sirkus Föroyar
21:00 hvonn Skeiva Pakkhús
22:00 Tinkka Basecamp Tórshavn Jomfrúbakkin
22:30 Karaoke Bar Glitnir
23:00 KOBA
00:00 LUUX Loca
01:00 Bassalt

Serbryggj til Eplafestivalin

Serbryggj til Eplafestivalin

Aftur í ár hevur Føroya Bjór saman við hugsjónarmanninum Jóhann Mortensen framleitt eina serøl, ið er bryggjað til Eplafestivalin á Sandi, sum nú er vorðið eitt fast heystartiltak, har føroyska rávøran og tað sum fæst úr jørðini og náttúruni verður fagnað.

Í gjár var gjørd ein serøl til høvið, Kálvur Lítli, og í morgin varð avdúkað, at serølin, sum í ár er gjørd til Eplafestivalin, eitur Húsfrúgvin. Tað er Annika Waag, bryggjari hjá Føroya Bjór, ið hevur bryggjað eina 5,8 prosent-øl, ið sigst vera feminin, burtur úr byggmalti, humlu, føroyskum plantum og tara.

Ølin er latin í stórar 70 sentiliturs fløskur, og fæst einans í sambandi við Eplafestivalin.

Tað er Archibald Black, bóndi og listamaður í Klaksvík, sum hevur teknað áskriftina, og kemur harvið við einum áhugaverdum boði um, hvussu hon man hava sæð út. Tað var eisini Archibald, ið teknaði Kálv Lítla til serølina í fjør.

Saman við Kálvi Lítla, seinasta katólska prestinum heima á Sandi, er Húsfrúgvin í Húsavík, ið livdi um somu tíð, ein av kendastu søguligu persónunum á Sandoynni.

Les eisini um serølina í fjør: Kálv Lítla at væta kræsnar gómar á Sandi

Les á snar.fo hvat V. U. Hammershaimb skrivaði um Húsfrúnna í Húsavík

Og á stamps.fo hvat Eyðun Andreasen skrivaði um søgnina í samband við frímerkjaútgávu í 2014

 

https://portal.fo/dimma-8796/husfrugvin-nyggj-ol-i-avmarkadari-nogd.grein

 

Enn ein Aqua Frísk frá Føroya Bjór

Enn ein Aqua Frísk frá Föroya Bjór

Í mai mánaði kom nýggjur tostadrykkur frá Föroya Bjór, Aqua Frísk Ananans og Citrus út á marknaðin, sölan og móttökan hevur verið framúr góð.

Annika Waag góðsku- og framleiðslustjóri á Föroya Bjór sigur:
“Vit fegnast um góðu móttökuna av AQUA FRÍSK, og tí fóru vit beinanvegin undir at menna nýggjan smakk av AQUA FRÍSK, og úrslitið er AQUA FRÍSK við smakki av rabarbu og jarðber. Aqua Frísk er leskiligur tostadrykkur við rabarbu og jarðber, ið hevur ein sera frískan og leskiligan smakk. Aqua Frísk inniheldur einki sukur, ongar kaloriur og einki litevni.”

Klára PET-flöskan er framleidd í Føroyum.

Opið um ólavsøku

Sølubúðinar hjá Føroya Bjór hava soleiðis opið um ólavsøkuna

 

Mikudag 25/7
Tórshavn 10.00 – 17.30, Hoyvík 13.00 – 17.30, Klaksvík 10.00 – 17.30, Leirvík 13.00 – 17.00, og Tvøroyri 10.00 – 17.30.

Hósdag 26/7
Tórshavn 10.00 – 19.00, Hoyvík 13.00 – 17.30, Klaksvík 10.00 – 17.30, Leirvík 13.00 – 17.00, og Tvøroyri 10.00 – 17.30.

Fríggjadag 27/7
Tórshavn 10.00 – 19.00, Hoyvík 13.00 – 19.00, Klaksvík 10.00 – 17.30, Leirvík 13.00 – 18.00, og Tvøroyri 10.00 – 17.30.

Leygardag 28/7
Tórshavn 10.00 – 12.00, Hoyvík 10.00 – 12.00, Klaksvík 10.00 – 12.00, Leirvík 10.00 – 12.00 og Tvøroyri stongt.

Sunnudag 29/7
stongt

Mánadag 30/7
Tórshavn 10.00 – 17.30, Hoyvík stongt, Klaksvík 10.00 – 17.30, Leirvík 13.00 – 17.00 og Tvøroyri 10.00 – 17.30

 

Einar’s Gin

 

Føroyskt ginn til ólavsøku

Nú er tað fyrsta ginnið, sum burturav er føroysk framleiðsla, komið á hillarnar í Rúsdrekkasølu Landsins. Tað er Einar’s Distillery, ið framleiðir ginnið, sum hevur fingið navnið Einar’s Gin.

– Vit hava nú í fleiri ár arbeitt við at menna føroyskt ginn, og nú halda vit, at vit eru komin á mál. Vit hava gjørt eitt siðbundið ginn við útgangsstøði í London Dry Gin.

Baraldarber og koriander (deymkorra), eyðkenna smakkin saman við nógvum øðrum urtum, og millum annað føroyska hvannrótin og góða føroyska vatnið geva ein frískligan angandi smakk, sigur Einar Waag, stjóri í Föroya Bjór, sum eisini eigur Einar’s Distillery.

Tá ið London Dry Gin verður framleitt, er eitt krav at øll rávøra og øll krydd skulu verða náttúrlig, tað er ikki loyvt at tilseta nøkur smakkievni, litevni ella annað. Náttúrligu urtirnar liggja í alkoholi eina rúma tíð, áðrenn tað verður distillerað. Tað gevur besta smakkin, greiðir Einar frá. Tað var í 2017, at Föroya Bjór gjørdi eina stóra íløgu í fyrsta føroyska distillaríið.

– Hetta við distillarínum hevur verið ein dreymur hjá okkum í eini 25 ár. Stórur partur av íløguni til eitt whisky-brennarí er longu til staðar í einum bryggjaríi, tað vil siga brygging og gering, so tað liggur væl fyri at fara undir. Vit hava brent whisky síðan 2017, og tað skal liggja í tunnum í nógv ár, áðrenn tað er búnað, sigur Einar Waag.

Einar’s Gin fæst í 70 cl fløskum í Rúsdrekkasølununum um landið, í taxfree umborð á Norrønu og í Duty Free á flogvøllinum.

Föroya Bjór framleiðir eisini Tonic-sodavatn, sum stendur mát við tær allar bestu, so nú ólavsøkan stundar til, kunnu fólk njóta ein Gin&Tonic frá Einar’s Distillery og Föroya Bjór.

Ólavsøkubryggið 2018

Føroya Bjór við ólavsøkubryggi

Nú tjóðarhátíðin stundar til,  hevur Føroya Bjór bryggjað eitt serstakt ólavsøkubryggj prýtt við eyðkendum føroyskum litum.

Annika Waag, góðsku- og framleiðsluleiðari á Føroya Bjór, sigur:

“Ólavsøkubryggið er ein serstøk samanseting av malti, humlu og føroyskum urtum. Ólavsøkubryggj hóskar serstakliga væl til føroyskan mat og til ólavsøkuborðið og vit vóna, at føroyingum fer at dáma væl nýggja bryggið.

Ólavsøkubryggið fæst í sølubúðunum hjá Føroya Bjór og í handlunum hjá Rúsdrekkasølu Landsins, sum 0,33 cl. fløska.

Einar’s Akvavitt vunnið heiðursmerki

 

Einar’s Akvavitt hevur vunnið heiðursmerki á International Taste & Quality Institute (iTQi), sum er heimsins mætasta kapping fyri mat og drekkivørur. Einar’s Akvavitt fekk heiðurin Superior Taste Award, ið gevur 2 gullstjørnur.

“Hetta er ein góð og kærkomin viðurkenning fyri Einar’s Distillery. Vit hava arbeitt hart og miðvíst við at menna Einar’s Akvavit, og hetta er ein staðfesting av, at vit smæðast ikki burtur. Vit eru nærløgd og brúka bara tær bestu rávørurnar í framleiðsluni. Eg eri heilt vísur í, at tað góða føroyska vatnið hevur spælt ein stóran leiklut í úrslitinum.” sigur Einar Waag, stjóri á Eínar’s Distillery.

Kappingin, ið hevur sæti í Brúsell í Belgia og hevur heitið “International Taste & Quality Institute”, kappingin er á hvørjum ári og er tann størsta av sínum slagi við luttøku úr meir enn 130 londum. Í dómarapanelinum eru 140 serkøn í mati og drekkivørum, tað eru kokkar, spiritus- og vínserfrøðingar, og dømingin er grundað á blindsmakking og kemiska kanning.

“Vit vita at føroyskar rávørur eru í heimsflokki og vit kunnu brúkað heiðurin sum eitt herðaklapp at  marknaðarføra Einar’s Distillery”, sigur Einar Waag. “Hetta er ein kapping, ið keyparar kring heimin fylgja og heiðurin kann gera, at vit kunnu koma inn á útlendskar marknaðir eisini”.

Einar’s Distillery er fyrsta góðkenda føroyska distallarí, áhugin stórur fyri framleiðsluni hjá Einar’s Distillery: ”Sølan av Einar’s Akvavitt og Einar’s Vodka hevur verið stak góð og um stutta tíð kemur eisini føroyskt gin á marknaðin, umframt hesar vørunar, liggur føroyskt whisky í tunnum og búnast, sigur Einar Waag at enda”.

 

 

Aqua Frísk

 

Aqua Frísk er ein leskiligur tostadrykkur við ananas og sitrón, ið hevur ein sera frískan og leskiligan smakk. Aqua Frísk inni heldur onki sukur, einki litevni og bara eina kaloriu.

Aqua Frísk og tann nýggja bláa fløskan eru ment og framleidd í Føroyum. Vónandi verður tikið væl ímóti nýggju Aqua Frísk.

Um spurningar eru, verið vælkomin at skriva til: fb@foroyabjor.fo ella at ringja til Sophus E. Dal Christiansen á 295434.

Vinarliga heilsan

Føroya Bjór