Oktober 2017 - Föroya Bjór

Minnist til J-dagin

Jólabryggið 2017 frá Føroya Bjór er bryggjað.

Føroya Bjór J-dagurin er nakað heilt serligt, og tað fara vit at fagna. Flest øll skeinkistøð í landinum fara at gera nakað burtur úr
J-degnum.

Tvøroyri:
17.00 Pubbin
22.00 Tvøroyrar Klubbi
23.30 Grottan/Hotel Tvøroyri

Vágur:
17.00 Hotel Bakkin
21.00 Hjá Jugga

Sandur:
22.00 Kafé Breiðateig

Norðoyggjar:
19.00 Café Fría
20.00 Maverick
21.00 Jaquson
22.00 Roykstovan

Eysturoy:
21.00 Turkihúsið, Fuglafjørður
21.00 Bovling, Leirvík
21.00 MC Café, Runavík

Norðstreymoy:
20.00 Við Sjógv, Kollafjørð
21.30 Smiðjan, Miðvági
22.00 Disvoy, Vestmanna

Vágar:
21.30 Smiðjan, Miðvágur
23.00 Hotellið í Miðvági

Nólsoy:
17.00 Maggies
19.00 Kaffistovan

Tórshavn:
17.00 Cafe Natúr, Irish Pub og Havnar Klubbi
18.00 Paname Café
19.00 Cafe 22
20.00 Mimir, Bowling
21.00 Hvonn, Blábar
22.00 Sirkus, Jomfrúbakkin
22.30 Glitnir
23.00 Base Camp, Cleopatra
00.00 Mojo
01.00 Luux, Basalt

Tvey nýggj heiðursbryggj

Katharina & Luther.

Vit hava bryggjað 2 heiðursbryggj í samband við, at tað eru 500 ár síðani, at Martin Luther feldi tær 95 tesirnar á Slotshurðina í Wittenberg.

Katharina von Bora, kona Luther var bryggari, plantukøn og hevði egið bryggjarí.
Bryggjara á Føroya Bjór hava gjørt nógv burtur úr, at finna røttu rávørur, samanseting og uppskriftir fyri at bryggja eftir leistinum hjá Katharinu Von Bora.

Katharina Von Bora, 5,8 % vol
Ein ljós ófiltrerað bjór, ið hóskar væl til fisk og fiskarættir.
Bryggjað soleiðis, sum vit ímynda okkum at Katharina von Bora gjørdi tað.

Martin Luther, 5,8% vol
Ein myrk ófiltrerað bjór, ið hóskar væl til kjøt og føroyskan mat. Bryggjað soleiðis, sum vit ímynda okkum at Katharina von Bora gjørdi tað.

Heiðursbryggjini fáast til keyps í sølubúðunum hjá Føroya Bjór kring landið.

Ein heilsan til Einar Waag

Eina Einar’s øl – Hjartaliga tillukku.
Nógv eru tey, ið altíð hava kallað ølið hjá Føroya Bjór Einar’s øl.
Starvsfólkið hevur valt at heiðra stjóran við einum serligum heiðursbryggi, kallað Einar’s Special. Hendan bjórin verður til sølu um nakrar dagar.
Hetta, tí at Einar tann 1. Februar 2017 verður 70 ár, og at hann hevur starvast á Føroya Bjór í fleiri enn 45 ár.

Einar Waag, stjóri á Føroya Bjór, er sonur gamla Einar Waag og Onnu Malenu Joensen úr Sørvági. Pápi gamla Einar, Símun í Vági, var giftur Karin, ætta úr Funningsstovu í Havn. Símun í Vági tók stig til Føroya Bjór og fór at bryggja í 1888.

Í dag starvast umleið 40 fólk á Føroya Bjór kring alt landið. Einar Waag virkar í dag sum stjóri á eini av elstu fyritøkum í Føroyum, sum hann hevur havt undir hond seinastu 47 árini.

Eftir lokið studentsprógv, fór Einar undir útbúgving sum bryggjmeistari í Munchen í 1968. Tvey ár seinni, í 1970, tók Einar við stjórastarvinum á Føroya Bjór, bara 23 ára gamal. Hesi seinastu gott og væl 47 árini hevur bryggjaríið ment seg frá einum minni virki til at vera eitt nýmótans ídnaðarvirki.

Einar giftist Elisu Holm úr Havn í 1974, og tey eiga dóttrina Anniku.
Einar hevur altíð verið virkin, har ídnaðurin er galdandi, og hann er sera nærlagdur, tá tað kemur til góðsku. Tí er ikki løgið, at Einar’s øl eisini hevur fingið góð skoðsmál uttanlands.

Hjartaliga tillukku við føðingardegnum og takk fyri gott samstarv.

Ynskja,
Starvsfelagar á Føroya Bjór

Einar’s Special (Fakta um ølina)
Einar’s Special er eitt Serbryggj við góðari samanseting av 8 ymiskum maltsløgum, humlu og tí besta savnað úr føroysku nátturuni.
Einar Waag hevur ein serligan tokka og stóra vitan um føroysku nátturuna, fuglar, seyð, plantur og alt livandi. Tí hava starvsfelagarnir á Føroya Bjór valt Føroysku náttúruna sum íblástur til Einar’s Special.
Í fjør varð við hjálp frá serkønum savnað tað besta av urtum og plantum úr føroysku náttúruni, hettar gevur Einar’s Special eitt eykað føroyskt krydd.
Einar’s Special er bryggjað fyri at heiðra Einar Waag á 70 ára føðingardegnum.

Minnist til J-dagin

Tvey nýggj heiðursbryggj

Ein heilsan til Einar Waag

FÖROYA BJÓR

UM OKKUM

UPPLATINGARTÍÐIR